13.9.08

Formadu su COMITADU482, pro s'ufitzialidade de sa Limba Sarda

Eris, 12-9-2008, in Bilartzi, sos partetzipantes a su cursu de autoformatzione promòvidu dae s'Ufìtziu de sa Limba Sarda de sa Provìntzia de Aristanis ant leadu s'impinnu de formare unu COMITADU pro afortire su movimentu in favore de s'ufitzialidade de sa limba sarda comente est cuntempladu in sa Lege 482 de su 1999 de sa Repùblica Italiana.

Si tratat de un'assòtziu lìberu, ispontàneu e informale, non ligadu a perunu ente o movimentu, chi tenet comente finalidades fundamentales:
—operare pro s'aplicatzione cumpreta de sa Lege 482 (dae como in antis "sa Lege")
—controllare chi sos disinnos e sas atziones de sos Entes siant coerentes cun sa Lege matessi
—informare s'opinione pùblica de sos isvilupos, de s'aplicatzione e finas de sa "no aplicatzione" de sa Lege
—leare initziativas de sensibilizatzione in favore de s'aplicatzione de sa Lege
—fàghere pressiones, propostas, a sos Entes, a sas Istitutziones e a sos partidos polìticos
—controllare sos efetos de s'aplicatzione de sa Lege e manifestare sos atentados a sa Lege
—leare finas initziativas legales pro difèndere s'aplicatzione coerente de sa Lege.

Su nùmene provisòriu de s'assòtziu est "Comitadu 482, pro s'ufitzialidade de sa limba sarda"
S'assemblea provisòria de su C482 est formada dae sas pessones chi ant dadu sa disponibilidade issoro su 12-9-2008
S'organizatzione de su Comitadu482 e finas sas finalidades craras ant a èssere detzìdidos dae sa prima assemblea de sos membros chi at a èssere autocunvocada dae s'Assemblea provisòria.

Cale si siat integratzione, cussìgiu o proposta, at a pòdere èssere imbiada dae sos iscritos a custu blog.

Pro como, e finas a una detzisione contrària, podent imbiare:
—Cumentos a sas "lìteras impostadas" a su blog: chie si siat
—Lìteras: sos iscritos a su C482

[Diegu Corràine]

4 commenti:

Comitât 482 ha detto...

In spiete di viodi se e cemût che o podaressin lavorâ adun, us puarti i salûts plui cjârs dai membris dal Comitât / Odbor / Komitaat / Comitato 482 che za di agns al opere in Friûl. Par savê alc di plui su ce che o vin fat e o sin daûr a fâ par difindi i dirits linguistics, o podês dâ un cuc al sît www.com482.org o al blog www.com482.blogspot.com . O sperìn che la nestre esperience di chescj agns e puedi zovâus. Mandi.

In attesa di verificare se e come potremmo lavorare insieme, vi porgo i saluti più cari da parte degli aderenti al Comitât / Odbor / Komitaat / Comitato 482 che opera in Friuli già da alcuni anni. Per sapere qualcosa di più su cosa abbiamo fatto e su cosa stiamo facendo in difesa dei diritti linguistici, potete dare un'occhiata al sito www.com482.org o al blog www.com482.blogspot.com . Ci auguriamo che l'esperienza che abbiamo maturato in questi anni possa esservi utile. A presto.

Il puartevôs dal Comitât 482
Il portavoce del Comitato 482

Carli Pup

Scovacis ha detto...

Bon lavôr!!!

Christian Romanini ha detto...

Ben vignûts e bon lavôr!

Mandi Diegu!

Anonimo ha detto...

yнапиши по сайт http://webtop.ucoz.org/ юкоз